Madani Phool

Durood Sharif Ki Fazilat
Rasoo-e-Akram, Noor-e-Mujaasam, Rehmat-e-Aalam SallalahoAlaiheWassallam ka farman-e-Rehmat Nishaan hai k Qayamt k Roz Allah Azzawajal K Arsh k siwa koi saya nahi hoga, 3 sakhs Allah Azzawajal k Saaye k neeche honge.
Arz ki gayi Ya RasoolAllah SallalahoAlaiheWassallam Woh Log Kaun Honge, Arz Kiya
1) Woh Sakhs jo Mere Ummati Ki pareshani dur kare
2) Meri Sunat ko Zinda karne wala
3) Mujh par Kasrat se Durood Sharif Padne wala.

Sallu Alal Habeeb! Sallalaho Ta’ala Ala Muhammed!

Salaam karne K 11 Madani Phool

1) Musalman se Mulaqat Karte Waqt Salaam Karna Sunnat Hai.

2) Bahar-e-Shariat Part 16 Page 102 Par likha hua hai
“Salam karte waqt Dil Mein yeh niyat kare k Jis ko Salaam karta hun is ka Maal wa Izzat Abru Sub Kuch Meri Hifazat mein hai, inmein se kisi cheez mein Dakhal Andazi (Interference) Karna Mein Haram Janta hun”

3) Din Mein Kitne He Bar Mulaqat ho, Ek Kamre se Doosre Kamre mein bar bar aana jaana ho, Wahaan Maujood Musalmanon ko Salaam karna Sawab Hai.

4) Salaam Mein Pehal (Pehle Salaam) Karna Sunnat Hai.

5) Salaam Mein Pehal karne wala Allah Azzawajal ka Muqarrab hai (Qareeb hai).

6) Salaam Mein Pehal Karne wala Takkabur (Pride) se Bari hai. Jaisa k Mere Makki Madani Aqa
SallalahoAlaiheWassallam ka Farman-e-Basafa hai: Pehle Salam karne wala Takkabbur se Bari hai.

7) Pehle Salaam karne waley par 90 Rehmatein & jawab dene waley par 10 Rehamtein Nazil Hoti Hain.

8) “Assalaamualaikum” Kehne se 10 Nekiyaan milti hain, Saath mein “Warehmatullahi” Bhi Kahenge to 20 Nekiyaan Milengi, & “Wabarakatuhu” Shamil Karne se 30 Nekiyaan Milengi.
Kuch log Salaam mein ‘Jannatul Muqaam’ & ‘Dozakhul Haraam’ kehte hain YEH GALAT HAI.
Balke man chaley to Kuch Log yeh Bak jaate hain ‘Aap k Bacche Hamare Gulaam’.
Mere Aqa Alahazrat Imam-e-Ahlesunnat Maulana Shah Ahmed Raza Khan Alaiherehma farmete hain
Kum az Kum “Assalaamualaikum” kahe & isse behtar “Warehmatullahi” Milaana & sub se Behtar “Wabarakatuhu” shamil karna aur is se zyada nahi. Phir Salaam karne waley ne jitne Alfaaz mein Salaam kiya, jawab Mein Itne Ka Aada zaroor kahe, aur Afzal yeh hai k Jawab mein zyada kahe.
Isne “Assalaamualaikum” kaha to aap kahein “Assalaamualaikum Warehmatullah” & agar isne kaha
“Assalaamualaikum Warehmatullah” to yeh kahe “Assalaamualaikum Warehmatullahi Wabarakatuhu”
kahe, aur agar Salaam karne waley ne “Assalaamualaikum Warehmatullahi Wabarakatuhu” kaha to aap bhi yeh kahey “Assalaamualaikum Warehmatullahi Wabarakatuhu”.

9) Isi Tarah “WalalaikumKummussalaam Warehmatullahi Wabarakatuhu” keh kar 30 Nekiyaan Kamaein.

10) Salaam ka Jawab Fauran & itni aawaaz mein dena Wajib hai k Salaam Karne wala sun le.

11) Salaam & Jawab Ka Sahi Tallaffuz Yaad Farma Lijiye “Assalaamualaikum” aur Jawab “WalalaikumKummussalaam”

Tarah Tarah ki Sunnatein Seekhne k liye MAKTABATUL MADEENA ki Matbua (Printed) Kitaab Bahare-e-Shariat Part 16 (312 pages) ki Kitaab zaroor hasil karein.

Sunnaton Ki Tabriyat ka 1 Behtareen Zariah DAWAT-E-ISLAMI k MADANI QAFILAY mein aashikaaney RASOOL k Saath Sunnaton bhara Safar Bhi hai.

www.dawateislami.net